Foxes hmaa Hull hruai tur Phelan

Premier League kai-thar Hull City-in manager Steve Bruce ban hnuah a thlakna tur an la hmu thei lawk lo a, Inrinnia Premier League match hmasa bera champion lai Leicester City an hma-chhawn hunah manager lailawk Mike Phelan chuan a kaihruai dawn.

Kum 53-a upa mana-ger hian July 22-a Steve Bruce ban hnuah Hull hi a enkawl lailawk a, Thawhṭanni khan Hull vice-chairman Ehab Allam nen inbiakna neiin league match khatah Hull hi a kaihruai phawt ang a, a ṭul dan a zirin pawh sei leh tur a ni ang.

Hull hian an manager thar turin Wales boss Chris Coleman beisei mah se Welsh Football Association chuan an manager hi biak an phal lo a, Chelsea legend Gianfranco Zola hming pawh lamrik zingah hian a tel a ni.

Hetiang boruak kar-ah hian Hull City Sup-porters' Trust (HCST) chuan an club neitute laka an lungawi lohna lantir an tum a, HCST thupuangtu chuan an lungawi lohna lantir tura tun hma zawng aia fan-te an inthurual thu a sawi.