Vawiinah MFA Super Cup draw

Samsung 3:16 Plan Solution MFA Super Cup Round of 16 draw chu vawiin chawhma dar 11:00 hian Grand Hotel-ah neih tur a ni.

He hunah hian team tina manager leh captain ṭheuh kal tura hriattir an ni a, manager's meet neih chhunzawm a ni nghal ang.

MFA Super Cup round of 16 chinah hian round hmasa lama yellow card leh yellow card vanga hremna awmte chu thai bo vek tur a ni a, red card hmu an awm erawh chuan a hremna a kal tlang ang.

Thawhṭanni khan Rajiv Gandhi Stadium, Mualpuiah MFA Super cup third round hi khelh zawh a ni a, Mizoram Police, Tuidam FC, 1st Bn MAP Academy, Ramhlun FC, Venghlui FC, Bung-kawn, Chawnpui FC leh Zarkawt FC ten last 16 an lut. Heng team pariatte leh Mizoram Premier League team pariatte chu last 16-ah hian an inel leh dawn a ni.