Wolves-in Semedo lalut

Wolverhampton Wanderers chuan Barcelona aṭangin Portuguese right-back Nelson Semedo chu pound maktaduai 37-in an lalut.

Wolves hian thla hmasa khan nikum lama an rinrawl Matt Doherty chu Premier League lama an elpui Tottenham lamah an hralh tawh a, a thlakna an neih loh avangin an match hnuhnung bera Manchester City 3-1 a an hneh loh ṭum pawhin harsatna an tawh phah.

Wolves executive chairman Jeff Shi chuan, "World class club aṭanga world class player lakluh hi thil theih reng a ni a, hetiang hun ṭha kan chang thei hi kan lawm hle a ni," tiin a sawi.

Kum 26 mi Semedo hian Barcelona tan match 124 a khel hman a, Portugal tan vawi 13 a inlan tawh bawk. English club hian Portuguese right back manah hian euro maktaduai 30 (£27.61m)  an pe phawt ang a, a bak euro maktaduai 10 hi a chet ṭhat dan a zirin an pe belh ang.

Wolves hi Nuno Espirito Santo-a'n a enkawl a, Portugese manager hian Portuguese player la khawmin team ṭha tak a din a, Semedo-a'n Portuguese player tamna Wolves a zawm hi a mak lo.