Galatasary-in Van Persie an ngaihven

Manchester United-ah Robin van Persie dinhmun a nghet lo a, Turkish club Galatasary-in Dutch striker hi lak luh tumin an veh ve mek bawk.

Galatasaray head coach Hamza Hamzaoglu chuan, "Player kan squad ti chak theitu leh fan-te phurna pe theitu lak luh kan duh. Manager tawh phawt chuan Van Persie hi an hnar phal lo ang. Club sum neih dan ang zelin pawisa kan hman a ngai a, player nen kan inrem theih ngei ka beisei," tiin a sawi.

Netherlands star hlui Ronald de Boer pawhin Van Persie hi kum 31 leka upa a nih avangin kar tin inkhel turin theihna a la nei a, a khelh tam theihna club zawng turin a lo ti ve bawk.

Dutch striker hian season hman zawh takah khan Premier League match 27-ah goal 10 a khung a. United-ah kum khat a la nei a, manager Louis van Gaal-a'n a dinhmun a la tihchian loh avangin Turkish club bakah Italian champion Juventus leh Lazio ten Arsenal captain hlui hi an hel mek.