Derby-ah Andreas Weimann

Aston Villa forward Andreas Weimann chu championship club Derby County-in an hnena kum li cham turin an la lut. Kum 23-a upa forward hian Villa tana a lo khelhpui tawh ṭhin Darren Bent chu iPro stadium-ah hian a zawm dawn a ni.

Derby-in Weimann an lakluhna man zat hi puanzar a ni lo.

Austrian striker hian kum 15 leka upa a nih laiin Rapid Vienna aṭangin Villa Park hi a pan a, vawi 134 in­lanah goal 21 khungin Villa manager thar Tim Sherwood hnuaiah hmun a chan tam loh avangin Championship club hi a pan dawn ta a ni.

Derby manager Paul Clement chuan, "Kum 23 leka upa nichungin Weimann hian inelna sang tak takah tawnhriat a ngah tawh a, hmasawn zel turin amahah hian theihna a awm bawk a ni," a ti.

Derby-in season thara Premier League khelh ngei tumin manager Steve McClaren an ban a, a aiah Real Madrid assistant coach Clement an lut a. Transfer-ah thawm an nei na nghal hle. Weimann an lak luh hma hian Bent, Alex Pearce leh Scott Carson te an lo la lut tawh a ni.