Cassano leh Sampdoria an inbia
Sampdoria president Massimo Ferrero chuan club nei lo Antonio Cassano nena inbiakna an neih mek thu a sawi.
AC Milan striker hlui hian January thla khan a club khelh mekna Parma chu inbiakremnain a chhuahsan a, hemi hnu hian club khelhna a la nei leh lo.
Cassano hi January khan Juventus-in lakluh tum mah se an inbiakrem theih loh avangin kum 2011-a a lo chhuahsan tawh a club hlui lam hi a pan dawn ta zawk a nih hmel.
Kum 32-a upa Real Madrid striker hlui hian Sampdoria-ah hian kum li chhung hun a lo hmang tawh a, match 115 a inlanah goal 41 khungin kum 2010-11 season khan AC Milan lamah a insuan san a ni.