2015 Euro U21 England an chak lo nghal

Ningani zan khan 2015 European Championship U21-ah England-in an match hmasa ber an khel a, Portugal an hneh lo. Czech Republic khawpui pakhat Uherske Hradiste-ah Portugal midfielder Joao Mario-a'n goal awmchhun a khung.

Vawi hnih champion tawh England-in kum 1984 hnuah nomawi an la chawi leh lo a, coach Gareth Southgate-a'n Everton defender John Stones leh striker Berahino te chu inhliam vangin tun inelnaah hian a chhawr thei lo.

England-in qualifier top scorer West Brom chhawr thei lo mah se PFA Young Player of Year Harry Kane an nei tho a, Liverpool player thar Danny Ings chu bench-ah an ṭhuttir thei bawk. Amaherawhchu senior team ang thoin thawm lian tak nen beisei an pha lo a, Portugal lakah 0-1 in an tlawm nghal.

Inkhel dangah Sweden-in Euro U21-a record nei ṭha ber Italy 2-1 in an hneh ve bawk. Group B-ah England, Portugal, Sweden leh Italy te an awm a, pahnihin semifinal an lut ang.