Leipzig-in Sorloth an lalut

Bundesliga club RB Leipzig chuan Crystal Palace aṭangin striker Alexander Sorloth an lalut a, kum nga chhung atan contract a ziak. 

Kum 24 mi striker man zatah hian German club hian euro maktaduai 20 an theh chhuak a, khelhna hmun a chan tam dan a zirin euro maktaduai hnih chu pek belh leh tur a ni bawk ang. Norwegian striker hian kum 2018 khan pound maktaduai kuain Premier League club Palace hi a zawm a, mahse match 20-a khelhsakah goal khat chauh khungin beisei a phak lo. 

January 2019 khan Belgian club Genk chu loan-in a zawm a, match 22-a khelhsakah goal nga a khung. Season hmasa kha Turkish club Trabzonspor-ah loan-in hun a hmang a, inelna hrang hrangah match 49 khelin goal 33-a khung. Trabzonspor hi Turkish Super Lig-ah pahnihna nihpuiin Turkish Cup-ah an champion bawk a, Super Lig bikah hian match 34-a goal 24 khungin top scorer a ni thei. Turkish football a a chet dan aṭanga teh chuan Norway international hian Chelsea lama chhuak ta Timo Werner hmun ruak a luah zo tura ngaih a ni.