FIFA president chuh tur Musa Bility

Liberia FA chairman Musa Bility chuan FIFA president aṭanga a ban thu puangtu Sepp Blatter-a hmunruak hnawhkhat tura a dinchhuah tur thu a sawi.

Bility chuan, "Africa khaw­­­mualpui hi FIFA-a vote ngah ber kan ni a, football khawvel kaihruai tur hian hma kan hruai a ngai a ni. Khawvel football-in a hun tawn harsa ber pawl a tawng mek tih kan hria a, hetiang hun harsaah hian hruaitu ṭha chu an lo dingchhuak ṭhin ," tiin hruaitu ṭha a nih thu a sawi.

Kum 48-a upa Bility hi Brazilian legend Zico hnua FIFA president a chuh tur thu puang hmasa ber a ni a, African zing­ah Confederation of Afri­can Football (CAF) president ṭanglai Issa Hayatou tih loha FIFA president dinhmun chuh tur hmasa ber a ni bawk. Haya­tou hian kum 2002 president thlanah khan Sepp Blatter-a lo hneh lo tawh a ni.

Liberia FA chairman hi Blatter duh lotu langsar tak zinga mi a ni a, Blatter-a'n thlawptu a ngahna khaw­mualpui Africa-ah chuan a langsar hle. Kum 2011 FIFA presidential election-ah khan Blatter-a vote loh tur thu a sawi avangin Africa ram dangte nen an inhmuthiam lo hial a ni.