Kawng dik kan zawh - Bolt

Usain Bolt chuan in-fiamna khawvelah kawng hrang hranga hminghliau awm ṭhin mah se athletics chuan hma a sawn zel a kawng dik a zawh tawh niin a sawi.

Rio Olympic neih
ṭan dawnah Russia chu an in-fiammite enkawl dan chungchangah an mualpho hle a, mahse International Olympic Commitee chuan Brazil-ah an kal theih nan kawng a siamsak.

Jamaican sprinter Bolt chuan, "Mipuiin athletics-ah rinna an nghah ngam a pawimawh, thil ti dik lo leh felhlel deuh chu lo awm ṭhin mah se infiamna khawvel hian hma a sawn zel turin kawngdik a zawh mek," a ti.

Kum 29-a upa hian 2017 World Cham-pion-ships zawhah infiam-na a chawlhsan tur thu leh tun ṭum hi a tana Olympic hnu-hnung ber a nih thu a sawi tel bawk.

Bolt hi Rio-ah hian 100m, 200m leh 4x100m-ah te a inlan dawn a, a hmasa ber atan August 13 khian 100m intlansiakah a inlan ang.