Gold pathum la thei Hosszu

Rio Olympic neih mekah Katinka Hosszu chuan gold medal pathum a la tawh. Hungary nula hian ni li chhungin 200m individual medley, 400 individual medley leh 100 backstroke-ahte pakhatna dinhmun a luah fai vek.

Kum 27-a upa Hoss-zu hian Nilaini zan khan 200m individual medley-a hnehna chang turin minute hnih leh second 6.58 hun a hmang - he hi Olympic record thar a ni. Great Britain aiawh Siobhan-Marie O'Connor chu pahnihna niin US tuihleuh thiam Maya DiRado chu pa-thumna a ni thung.

Hosszu tan medal dawn theihna hun ṭha a la awm belh dawn a, zanin dar 11:00 hian 200m backstroke-ah an ram ti hmingṭha chhunzawm turin a bei chhunzawm ang.