Saina inlan dawn

Indian shuttler Saina Nehwal chuan Rio Olympic-a a match hmasa ber chu zanin dar 7:50 hian a khel dawn. London 2012 bronze medalist hian group match-ah Ukraine nula Marija Ulitina leh a thlengtu Brazil aiawhtu Lohaynny Vicente te a hmachhawn dawn a ni.

World number 1 hlui Saina hian London-a medal a lak khan India tan Olympic-a Badminton inelna bika medal la thei hmasa ber dinhmun a luah a, kuminah hian ani bakah hian shuttler paruk an inlan dawn a ni.

Hyderabad nula Sai-na hi kuminah hliam a neih fo avangin a khel
ṭha tawk lo. Malaysia, Singapore leh Indonesia-ah te beisei a phak lo. Mahse, June thla khan Australian Open-ah a champion a, hei hian bei-seina a siamsak bakah in-rin-tawkna a pe ngei ang.

Kum 26-a upa Saina chuan, "Ka fit a, ka inpeih bawk. Inbuatsaihna ka neih ṭhat em avangin ka thil tum ber pakhat medal dawng thei turin inelna hmachhawn ka chak tawh," tiin a zam lo hle.

Indian shuttler zinga hmeichhe singles khel tur dang Pusarla Venkata Sindhu pawhin zanin dar 4:40 hian a match hmasa ber a khel ang. Ani hian group stage-ah Canada shuttler Michelle Li leh Laura Sarosi a hmachhawn ve thung dawn a ni.