Kan ṭhat lai ber - Luis Enrique

Luis Enrique chuan tuna Barce-lona team chu tun hnaia an ṭhat lai ber a nih thu a sawi a, player thar lakluh tur ṭha an hmu a nih chuan an la inhawn reng thu a sawi bawk.

Tun nipui chhungin Barcelona hian player pathum Andre Gomes, Samuel Umtiti leh Lucas Digne te an lalut tawh a, Villarreal aṭangin Denis Suarez chu Nou Camp lamah an hruai let leh tawh bawk.

Spanish coach Enrique chuan, "Tuna kan team chhunga awmte en hian tun hnaia Barca squad ṭhat ber ṭum a ni. Midangin min rawn zawm tawh lo a nih pawhin a lungawi thlak. Chutihrualin kan team tana ṭha tur leh min ti chak thei kan hmu a nih erawh chuan kan la lak belh ang," a ti.

La Liga champion hi season thar inbuatsaihna inkhelah Liverpool chuan 4-0 in an sawp a, hemi chung-chang zawhna chhangin Enrique chuan, "Barca fan-te ka hrilh duh chu hei hi a ni, tunah hian ka pklayer-te an thawkrim em em a, thil engkim a ṭha zawngin a kal leh tawh," a ti.

Barca manager hian a player tharte chu kum lama la naupang deuh ni mah se theihna nei sang tak an nih hlawm avangin an chunga beiseina a neih san thu a sawi tel bawk.

Season hmasa khan Barcelona hian La Liga leh Copa del Rey title an la a, Champions League-ah erawh league lama an elpui Atletico Madrid ngam loin semifinal-ah an tla thung.