2016 MFA Super Cup Draw Police pawt fuhtu Chhinga Veng!
MFA Super Cup 2016 ngaih-ven a hlawhna chhan pakhat chu Mizoram Police an ni a, last 16 thleng tura goal 18 zet khungtu Police hian Chhinga Veng FC an hmachhawn dawn.
Nimin khan Grand Hotel-ah MFA Super Cup last 16 draw neih a ni a, MPL club pariat khingpui tur zingah Aizawl khaw pawn club Tuidam FC te an awm tel nawk avangin inkhelh hma hauhin boruak a sang nghal hle. Mizoram chhung club hrang hrangte knockout hmanga inelnaah hian team 16 chiah an dam tawh a, August 17 hian last 16 khelh ṭan a ni ang.
Hei le Police!
Mizoram Police hi MPL
aṭangin relegate mah se Aizawl FC-in I League khel tura an hawh F. Lalrinpuia leh Lalbiakhlua te an la let tawh a, an player-te hi football thiam vanga Police Department-a lut an nih hlawm avangin ṭha tur an ni.
Mizoram aiawh tur MFA-in a thlan apianga player panga bawr vel thawh thei reng team Police hi an chhe thei lo a, MPL kai thar Chhinga Veng tan an huphurhawm ang. Chutihrualin I Day Football-a chak hmel hmu lo Chhinga Veng tan Police hneh hi team phûrna petu a ni thei thung.
Hmuhnawm tur
Dinthar FC-in tun hma an pha tawh lo tih I Day Football aṭangin a lang a, an player hlui Lalnunmawia awmna Ramhlun FC nena an inkhel turah hian 'upset' thleng thei a ni.
Season liam taa Aizawl DFA hnuaia second division champion 1st Bn MAP Football Academy hi an fitness a ṭha a, MPL awm hma zawnga Mizoram league sang bera khel pha an ni. Fitness nei
ṭha Police Academy leh Zo United inkhel tur hi a ngaihnawm ang.
Aizawl khaw pawn club Tuidam FC-in Aizawl FC Aca-demy an barakhaih tawh a, Bethlehem VT FC tan enliam mai theih an ni lo ang.
Ramhlun North FC-in I Day Football-ah semifinal thleng mah se ADFA first division club Venghlui FC hi khelh an awlsam dawn lo tih hriat a ṭha.
MPL an chungnung?
Bungkawn FC tan MPL club hmachhawn phak hi a ropui a, amaherawhchu Mizo club zinga I League khel hmasa ber Aizawl FC erawh an zuam hauh lo ang! Chutiang bawkin Zarkawt FC-in hmasawn tumin ṭan an la viau mah se an
ṭhenawm Chanmari FC hi an la tiat lo mai thei? Chanmari West FC-in I Day Football-a an khelh ṭhat an chhunzawm theih chuan Chawnpui FC tan hneh an harsa deuh ang.
MFA SUPER Cup Fixtures
Round of 16
August 17, Nilaini
12:00 PM Dinthar FC Vs Ramhlun FC R16-1
02:30 PM Chhinga Veng FC Vs Mizoram Police FC R16-2
August 18, Ningani
12:00 PM Zo United Vs 1st Bn MAP Academy R16-3
02:30 PM Chanmari FC Vs Zarkawt FC R16-4
August 19, Zirtawpni
12:00 PM Bethlehem VT FC Vs Tuidam FC R16-5
02:30 PM Aizawl FC Vs Bungkawn FC R16-6
August 20, Inrinni
12:00 PM Chanmari West FC Vs Chawnpui FC R16-7
02:30 PM Ramhlun North FC Vs Venghlui FC R16-8
Quarterfinal
August 22, ThawhṬanni
12:00 PM Win R16-1 Vs Win R16-2 QF1
02:30 PM Win R16-3 Vs Win R16-4 QF2
August 23, Thawhlehni
12:00 PM Win R16-5 Vs Win R16-6 QF3
02:30 PM Win R16-6 Vs Win R16-7 QF4
Semifinal
August 25, Ningani
12:00 PM Win QF1 Vs Win QF2 SF1
02:30 PM Win QF3 Vs Win QF4 SF2
Final
August 27, Inrinni
Win SF1 Vs Win SF2