Zheng Qinwen-i a tla

Australian Open 2025 khelh laiah season hmasa finalist Zheng Qinwen chu Laura Siegemund hneh loin second round-ah a tla, seeded pangna ni phak Zheng-i nikum lama a sulhnu ang a chhui phak ta lo a ni.

Nimin zing John Cain Arena-a inkhelah Chinese nula Zheng-i hi 7-6 (7-3), 6-3 in a chak lo. Olympic gold medalist tla hi Australian Open 2025 khelh laia hmeichhe player langsar tla hmasa ber a ni hial.

Kum 22 mi Zheng chuan, "Point pawimawh hmuh theih hun turah khan tihsual ka nei leh tlat ṭhin a, ka ṭum fuh ni a ni lo," tiin a sawi a, a duh angin season bul ṭan lo mah se thawh chhuah leh ngei a tum tih erawh a sawi.

Inkhel dangah Aryna Sabalenka erawh a chak - a zawna vawi hnih champion thei Sabalenka hian Jessica Bouzas Maneiro chu 6-3, 7-5 in a hneh, hnehna chang tur hian game hnuhnung panga a la zawn.

Melbourne Park bikah Sabalenka hi a zawnin match 16 a chak zawn tawh, a match lehpekah chuan world number 42 Clara Tauson a hmachhawn leh dawn a, chak tura rinkai zawk a ni leh ang.

Australian Open vawi hnih champion tawh Naomi Osaka pawh a chak - Japanese star hian Karolina Muchova lakah set hloh hmasa mah se, a tawpah 1-6, 6-1, 6-3 in a chak.