Highlander-in Goa an chelh

Ningani zan Indian Super League inkhelah NorthEast United leh FC Goa te 1-1 in an inhnehtawk a, Highlander-in playoff khelh an beiseina chu an chhi nung ve zel.

Guwahati khawpuia inkhelah Goan club tan Mohammad Yasir chuan minute 65-naah goal hmahruai a khung a, an chakpui mai dawn emaw an intih laiin, Jithin MS chuan minute 76-naah si phurh a sut a, goal dang a lut zui lo.

Highlander hi an league match hnuhnung pangaah an tlawm lo - match thum an draw thung! Goan club pawh league match 10 zet chu a zawnin an tlawm ta lo a, hetih chhung hian vawi ruk an chak. NorthEast lakah hian Goa tan Ayush Chhetri a inlan a, Dinthar tlangval hi bench aṭanga luhtir a ni.