Leverkusen-in Bayern an um zel

Bundesliga-ah champion lai Bayer Leverkusen-in Alejandro Grimaldo goal hmangin Mainz 1-0 in an hneh a, hmahruaitu Bayern Munich nena an inkar an ti zim.

BayArena-a inkhelah mualneituin bul an ṭan ṭha a, Patrik Schick-a goal khung tur chu goalline aṭangin an pet chhuak hman. Defender Piero Hincapie ball pet pawh goal pawnah chiah a kal a, Florian Wirtz pet erawhin keeper Robin Zentner-a'n a dang chiah chiah.

First half-ah goal lut lo mah se second half ṭantirhah Grimaldo-a'n box pawn aṭangin mawi zetin freekick aṭangin a khung a, Leverkusen-in an phu ang ngeiin hma an hruai. Xabi Alonso hoten talbuai lai deuh nei mah se inkhel thununtu zawk an ni a, goal erawh an khung belh tawh lo.

Inkhel dangah Eintracht Frankfurt-in Freiburg 4-1 a an sawp laiin Borussia Dortmund erawhin Holstein Kiel 4-2 in an hneh lo thung.