Second round-ah Ruud a tla

Australian Open khelh laiah Casper Ruud chu second round paltlang zo loin a tla. Ruud hi seeded pangana a ni phak a, season khata Grand Slam hmasa berah hian mipa player langsar zinga tla hmasa ber a ni.

Nilaini zan Margaret Court Arena-a inkhelah, kum 26 mi Ruud hian rawlthar Jakub Mensik chu 6-2, 3-6, 6-1, 6-4 in a ngam lo. Kum 18 mi Mensik hian tun hmain ranking sang player dang pawh a lo hneh tawh bawk.

Inkhel dangah Alexander Zverev erawh a chak - German star Zverev hian Pedro Martinez chu 6-1, 6-4, 6-1 in a hneh a, third round lut turin harsatna lian tham a la tawk lo, a hmabak chu Jacob Fearnley a ni ang.

Kum 27 mi Zverev chuan, "Tun hma chuan Grand Slam tir lamah hian darkar rei deuh deuh ka inkhel ṭhin, tunah chuan ka puitling ta a ni ang," a ti a, a thusawi hi fiamthu deuh ni mah se atan thil pawimawh tak a ni.

Martinez hneh turin Zverev hian darkar khat leh minute 54 chauh hun a hmang, major tournament chu set nga hmanga chak zawk zawn ṭhin a ni a, chawlhkar hnihnaah thahrui hman a la ngaih ṭhin avangin a tir lama tha khek thiam a pawimawh.