Jannik Sinner a chak zel

Australian Open mipa champion lai Jannik Sinner chuan nimin tlai khan Tristan Schoolkate chu 4-6, 6-4, 6-1, 6-3 a hnehin third round a inhlangkai.

Rod Laver Arena-a inkhelah, world number 1 Sinner hian set khatna a hloh hmasa. Mahse, darkar hnih leh minute 46 an inkhelh meuh chuan player ṭha leh inelna boruak sanga tawnhriat nei zawk a nihna chu a takin a lang.

Italian tlangval Sinner hian season hmasa khan Australian Open leh US Open nomawi a chawi a, kuminah a title humhim ngei a tum, a match hmasa aiin second round-ah chuan a khel ṭha ta zawk.

Seeded pakhatna Sinner hian a match lehpekah chuan Marcos Giron a hmachhawn leh ang - inkhel dangah Marcos Giron hian set nga an khelh hnuin Tomas Martin Etcheverry chu a lo hneh ve bawk a ni.