Ipswich-in Philogene an la lut

Ipswich Town-in Aston Villa aṭangin winger Jaden Philogene an lalut a, a man hi pound maktaduai 20 bawr vel a ni. Philogene hian kum li leh a chanve daih contract a ziak.

Kum 22 mi Philogene hian tun Premier League-ah match 11 a khel a, a inlan hnuhnun ber chu December 7, 2024 kha a ni. Villa-in Borussia Dortmund aṭanga Donyell Malen an lakluh avangin Philogene hi an chhuah.

Philogene hi Villa Academy chhuak a ni a, khelhna hmun a chan tam loh avangin Stoke City, Cardiff City leh Hull City-ah te loan hmangin a chhuak tawh. Hull tana chet ṭhat avangin Tigers hian a nghetin a lalut a, nikum season khan Championship-ah match 32 khelin goal 12 a khung.

Villa-in tun season ṭan hma khan Philogene hi an lalut a, league match 11-ah goal a khung lo. Philogene hian Unai Emery mit tlung pha lo mah se tla thei dinhmuna ding Ipswich tan erawh ṭangkai tura ngaih a ni a, manager Kieran McKenna tan tun season-a player 15 a lakluhna chiah a ni.