Leicester tlarhnung thawm chak nan Coulibaly

Leicester City-in French full back Woyo Coulibaly chu Parma aṭangin an lalut a, a man hi pound maktaduai thum a ni. Kum 25 mi Coulibaly hian kum li leh a chanve daih contract a ziak.

Foxes-in Ruud van Nistelrooy kaihruaina hnuaia an player lakluh hmasa ber a ni a, Coulibaly hi tun nipuia contract zo tur a nih avangin a man pawh a tlawm phah.

Coulibaly hian Parma tana kum thum leh a chanve chhungin match 88 a khel a, season liam taa Serie A khel tura an inpettlinna kawngah player pawimawh a ni.

Leicester City hian Nistelrooy hnuaiah result an nei ṭha tawk lo a, Premier League-ah phei chuan match hnuhnung parukah a chak tawh lo. Janaury 15, Nilaini zan khan Foxes hian an mualah Crystal Palace 2-0 in an hneh lo a, Jean-Philippe Mateta leh Marc Guehi ten Eagles tan an khung.

January 18, Inrinni zan dar 8:30 hian Nisterooy-a hote hian Fulham an mikhual dawn a, Coulibaly tan club thar tana khelhna hmasa ber a ni thei ang.