Atletico-in club record siam

Copa del Rey round of 16-ah nuamsa takin Atletico Madrid an chak a, Nilaini zan khan an mikhualna ramah Elche chu 4-0 a sawpin, Spanish Cup-ah hian quarterfinal an lut.

Atletico tan Elche khelmuala an chak hi club record a ni nghal - a zawnin inelna hrang hrangah match 15 an chak tawh a, heti zat match hi a zawnin chak an la nei ngai lo.

Elche lakah Atletico boss Diego Simeone-a'n a neih ṭhat ber a thawhchhuahpui duh lo a, player langsar Antoine Griezmann, Julián Álvarez, Rodrigo de Paul leh Jan Oblak te bench lamah a dah.

Heti chung hian Atletico-in harsatna an tawk lo. Alexander Sørloth chuan minute riatna lekah goal hmahruai khungin, penalty hmangin minute 29-naah a belhchhah a, second half-ah Rodrigo Riquelme leh substitute Julián Álvarez ten an belhchhah bawk.

Atletico an chak a, Copa del Rey quarterfinal an lut. Madrid khaw club hian Spanish La Liga table chung ber an luah mek bawk - January 18, Inrinni zanah league match khel turin Leganes an mikhual zui ang.