Chicago Fire-in Neymar an duh

Saudi Pro League lama beisei phak lo Neymar chu Inter Miami nen rei tak sawizawm an nih hnuah MLS club dang an lo lang a, Chicago Fire chuan Brazilian forward hi lakluh tumin an hel mek niin an sawi.

Kum 32 mi Neymar hi Miami club-ah Barcelona tana a khelhpui ṭhin, Lionel Messi, Luis Suarez leh Sergio Busquets te nen an khel ho leh dawn nia sawi awm mah se, tun hnai khan coach thar Javier Mascherano chuan a harsat tur thu a sawi.

Argentine coach hian, "Ney hi player ropui tak a ni a, khawvel coach zawng zawngin ani ang player enkawl hi an châk vek ang. Mahse, MLS-ah player hlawh atana sen theih chin bituk a awm vek a, kan tan chuan Neymar lakluh hi thil theih loh a ni," a ti.

Neymar hian August 2023 khan Saudi Pro League club Al Hilal a zawm a, khawvela footballer hlawh hnem ber pawl ni mah se hliamin a tlakbuak avangin beisei a phak lo a, Saudi club tan inelna hrang hrangah match sarih chiah la khelin, goal khat chiah a khung.