Chelsea-in Chalobah an la let

Chelsea-in hliam vangin defender pahnih Wesley Fofana leh Benoit Badiashile an chan a, tlarhnung thuam chak nan loan hmanga Crystal Palace an hawhtir Trevoh Chalobah an lalet.

Chalobah hian nipui bazara khan season khat chhung atan Palace hi a zawm a, mahse inremnaa laklet theih dan an dah tel chu Blues hian an hmang ṭangkai.

Palace manager Oliver Glasner chuan Thawhlehni khan Chalobah-a'n Selhurst Park-ah cham a duh thu a sawi a, mahse an chelh thei ta lo. Chalobah hian Palace tan hian tun season inelna hrang hrangah match 14 a khel tawh a ni.