Tlak hlau pahnih inkhel dawn

Spanish La Liga-ah zanin hian inkhel pakhat a awm dawn a, table mawng lama awm Espanyol leh Real Valladolid an inkhel dawn - zan dar 1:30-ah Espanyol hian an mikhual dawn a ni.

Team 20 inelna La Liga-ah Espanyol hi 18-na niin, relegation zone-ah an awm chiah chiah a, 17-na Alaves an phak lohna chu point khat chauh a ni.

Hetihrual hian Real Valladolid hi 19-na niin, Espanyol hi point khat chauhin an phak lo bawk a, team pahnih tan zanin inkhel hi relegation zone tlanchhiatsanna remchang a ni.

La Liga-ah league match 19 khelh tawha vawi khat chiah la tlawm Atletico Madrid chu hmahruaitu an ni mek a, pahnihna Real Madrid aia point khat chauha sangin, pathumna Barcelona aiin point rukin an sang thung.