Messi nen Selfie :

Argentina-in Copa America group match hnuhnung berah Jamaica 1-0 in an hneh a, Reggae Boyz (Jaimaca player sawina) ten Lionel Messi bula khelh nuam an ti hle.

Halftime-ah Jamaica player pakhatin a dil angin Messi-a'n kawr a pe a, inkhelh banah Deshorn Brown-a'n thla a lak pui a, Argentina captain hian Jobi McAnuff hnenah kawr pahnihna a pe leh bawk.

Jamaica forward Brown hian Uruguay an khelh ṭumin Edison Cavani thla a lo lak pui tawh a, Instagram-ah a tar chhuak ve ve.

Brown chuan, "Result kan duh ang hlawhchhuak lo mah ila, khawvela player ṭha ber ka tawn avangin ka lawm hle. Messi leh Argentina-in tournament khelh zelna turah duhsakna ka hlan che u," tiin a thlalak tarchhuahna hmunah hian a ziak tel bawk.