Stoke City-ah Adam a nghet

Scotland midfielder Charlie Adam chuan kum thum dang cham chhunzawm turin Stoke City-ah contract thar a ziak.

Blackpool captain hlui hian kum 2012 khan Liverpool aṭangin kum li cham turin the Potters hi a zawm a, kum khat dang cham turin contract a la nei. A contract thar ang chuan kum 2017 thleng Britannia Stadium-ah hian a cham ang a, a ṭul dan a zirin pawhsei theih a ni ang.

Kum 29-a upa midfielder chuan, "Stoke-a ka cham chhunzawm zel thei tur hi ka lawm hle a ni," tiin a sawi.

Adam hian season hmasa khan Stoke tan match 36 a khel a, goal sarih a khung a ni.