Aegon Championship semifinal Murray

Inrinni chhun khan Andy Murray leh Viktor Troicki te chuan Aegon Championship semi-final an khel a, minute 35 chauh an khel tling hman tihah ruah sur vangin inkhel tih tawp a ni.

Britain number 1 Murray leh Troicki te hian game thum ve ve an la hman a, Inrinni tlai khan khelh chhunzawm tur a tih ni mah se an inkhel ṭan leh hmain ruah a sur leh avangin an khel chhunzawm thei lo.

Semifinal lehlamah Kevin Anderson chuan a khingpui Gilles Simon chu 3-6, 7-6, 3-6 a hnehin final a lut.

South African Anderson hian set khatna game riatnaah Simon service laksakin set khatna chu harsa lo takin a la. Mahse, set hnihnaah erawh tie-break hmangin Simon-a'n set a la ve thung.

Set hnuhnung berah game riatnaah Simon-a'n ho taka a vuak out hnuah Anderson-a'n ace siam zuiin hnehna a chang ta a ni.

Anderson hian Andy Murray leh Viktor Troicki inkhel a chak zawk zawk chu Pahtinni khan final-ah a hmachhawn tura ruahman a ni. Mahse, khaw awmdan a zirin inkhelh hun hi tih danglam theih a ni ang.