Hmeichhe World Cup Spain player te'n an coach ban an duh

Hmeichhe World Cup group stage aṭanga an tlak hnuin Spain player-te chuan an coach Ignacio Quereda chu a hna aṭanga chawlh tir an duh thu an sawi.

Querada hian kum 1988 aṭang tawh khan Spain hmeichhe football team hi a lo enkawl tawh a, kumin World Cup kha a vawi khat World Cup hruai thlenna a ni.

A vawi khat nana hmeichhe World Cup khel Spain hi an che ropui lo hle a, match thum an khelh aṭangin point khat chiah hlawhchhuakin Costa Rica leh Brazil lakah an tlawm.

Spain squad a mi a hming tarlan duh lo chuan, "Dik taka sawi chuan Querada hun hi a tawp tawhah kan ngai a, inthlak danglam kan mamawh tawh a ni," a ti.

Player tam zawk chuan World Cup-a an chet chhiat chhanah inbuatsaihna ṭha an neih tawk loh thu an sawi bawk.

Spain player te chuan, "Tuna Spain team a khel mekte hian hmun ropui thleng turin theihna leh inpumpekna tak tak kan nei a ni," tiin an chet chhiat chhanah coach an puh.

Khawvel ranking a 14-na ni mek Spain hian Canada World Cup-a an chet chhiat em avang hian Rio 2016 Olympic-ah an hmel an lan thei lo ang.