Tennis Gerry Weber Open final-ah Federer

World number 2 Roger Federer chuan Ivo Karlovic hnehin a vawi 10 nan Gerry Weber Open final a lut. Nizan khan Andreas Seppi nen final an khel a, result erawh kan hre hman ta lo.

Swiss seeded pakhatna Federer hi a champion leh a nih chuan a vawi riat na a ni dawn a, hei hi record thar a ni ang. Semifinal-a Federer hna hi a awlsam lo hle a, darkat khat leh minute 28 chhungin; 7-6 (7-3), 7-6 (7-4) in a chak hram.

Semifinal-a chak zo ta lo kum 36 a upa Karlovic hian he tournament-ah hian ATP record thar a siam. Quarterfinal inkhelah Tomas Berdych hneh turin set thum chhungin ace vawi 45 zet a vaw chhuak a ni. Kum 1995 khan Kuala Lumpur-ah Mark Philippoussis-a'n ace siam hem ber record match khata vawi 44 a lo siam tawh chu Karlovic hian a rawn khum chiah.

Mahse, a service ṭha in a fore­hand na hle mah se Federer lakah erawh a chak pui zo lo thung. A backhand ṭha leh tawih zet hmang ṭangkai chung leh Karlovic-a double fault vangin Federer hian set khatna chu a la.

Set hnihnaah pawh tie-breake a Karlovic service vawi hnih chhuhsak in a backhand volley mawi tak hmangin final a invaw tling a ni.