Olympic Day Run-ah a duh apiang a tlan theih

Mizoram Olympic Association buatsaih Olympic Day Run chu June 23, Thawhlehni khian neih a ni dawn.

Olympic Day Run-ah hian a duh apiang tlan theih a ni a, Bawngkawn aṭanga Lammual thleng chauh tlan tur a ni.

Inelnaah hian hmeichhia leh mipa tan lawmman a hranga siam a ni a, Pakhatna Rs 5000, Pahnihna Rs 3000, Pathumna Rs 2000 niin top 10 chinin Consolation prize an dawng bawk ang.

Tlan turte zing dar 5:30-ah Bawngkawnah kim tur a ni. Dar 6:00-ah Bawngkawn traffic point (Durtlang peng)-ah flag off tur a ni.

Zing dar 6:30-ah Lammualah lawm­man sem leh Olympic Day in­khawm tawi hman a ni ang. Sports minister Zodintluanga, MOA senior vice president-in hun a hmang anga, Sports Association hruaitute kim vek tura beisei an ni.