Arsenal leh Arteta tan fiahna

Season hmasa khan Arsenal-in Premier League nomawi an beisei sang viau a, mahse hun pawimawh laiah an chesual - an point hlohna langsar zinga mi chu Aston Villa an ni, an champion lo zui bawk.

Zanin dar 11:00 hian Emirates Stadium-ah Gunners hian Villa hi an lo mikhual dawn, champion tum inum boruak san lai taka an manager hlui Unai Emery enkawl team hmachhawn hi Mikel Arteta leh a naute tan fiahna langsar leh harsa tak a ni ang.

Tun season tir lam khan Villa Park-ah Leandro Trossard leh Thomas Partey-a te goal hmangin an lo va chak tawh a, tun hnaiah Trossard hi a khelh ṭhat avangin Villa tan ven ngun ngai tur a ni dawn.

Bukayo Saka leh Gabriel Jesus te an hliam a, tlarhma laiah Kai Havertz a awm leh a ngai ang - German forward hian tun hnaiah sawisel a hlawh, goal khung theihna remchang a hlah fo vang a ni, thlawptu ṭha a mamawh lai tak a ni.

Villa hian striker ṭha Ollie Watkins an nei - England international hi team chakpui tura theihna nei sang a ni a, defender inkawp fuh William Saliba leh Gabriel te tana ven uluk ngai tur a ni ve thung, inkhel a hmuhnawm ang.