Djokovic chak nuamsa

Novak Djokovic chuan nimin tlai khan Tomas Machac hnehin Australian Open fourth round a lut a, a vawi 25 nana Grand Slam title lak a beiseina chu a chhi nung zel.

Rod Laver Arena-a inkhelah, vawi 10 champion tawh Djokovic hian darkar hnih leh minute 22 chhungin Machac-a hi 6-1, 6-2, 6-4 in a hneh a, a tir aṭanga a tawp thlengin harsatna lian tham a tawk lo.

Inkhel dangah Alexander Zverev chuan Jacob Fearnley chu 6-3, 6-4, 6-4 in a hneh a, British tlangval laka hnehna chang tur hian darkar hnih leh minute hnih bak hun a mamawh lo a ni.

Seeded pahnihna Zverev hian a match lehpekah chuan Ugo Humbert leh Arthur Fils te inkhela chak zawk a hmachhawn leh dawn a, atan khingpui harsa tak an la ni phak lo deuh turah a ngaih theih.

German tlangval Zverev chuan, "Match ka khelh hmasak nen chuan a boruak a danglam hle, ka khingpui khan ball a rawn vaw let ṭha thei em em a, a nihna takah chuan set hloh loa ka tlang thei hi ka vannei," tiin a sawi.

Player ṭha tak ni mah se Zverev hian Grand Slam nomawi a la chawi lo, tunah chuan kum 27 mi ni tawhin a taksa ṭhat vanglai a ni, atan Australian Open hi champion tura hun ṭha a ni ang.