Mizo tlangvalin bronze medal a la

All India Inter-University Games neih mekah - Govt. Hrangbana College a first semester zirlai Joseph Lalruatfela chuan Karate Discipline-a kumite -75kg huangah bronze medal a hlawh chhuak a, medal a lak avang hian Khelo India khel turin a tlimg nghal a ni.

Rohtak, Haryana-a inelna neihah Mizoram University hian All India-Inter University Games khel tur hian karate aṭangin mi pahnih leh coach pakhat tirin; Govt. Hrangbana College-a first semester zirlai tho K. Lalruatfela chuan medal hlawh chhuak zo lo in quarterfinal-ah a zinkawng a tawp.

All India-Inter University Games khel thei tur hian qualifying round hautak tak neih hmasak niin; Mizoram aṭangin mi pali ten qualifying round hi zuk khelin; mi pahnih an tling a ni. Mizoram University bul tuma University Games zuk khelte hi coach Lalramthara'n hruaiin, January 19, Pathianni hian Aizawl an rawn thleng ang.

All Mizoram Karate Association (AMKA) chuan Mizoram University hotute chungah lawmthu sawiin; an nauten hlawhtlinna an chan hi lawmawm an tih takzet thu an sawi a, hmabak nei an nih avangin hlawhtlinna chang Joseph Lalruatfela pawh chawl lo a, ngawrh taka practice chhunzawm turin an fuih bawk a ni.