Napoli dilna Man United-in an hnawl

Manchester United chuan Napoli aṭanga winger Alejandro Garnacho an dilna chu an hnawl. Italian club hian Khvicha Kvaratskhelia an hralh hnai a, Georgian winger hralhna aṭanga an sum hmuh chu Garnacho lei nan hian hman an tum.

Napoli dawrna zat tak hi hriat ni chiah lo mah se £40mtd vel ni tura ngaih a ni a, Man United Argentine winger hi hralh an phal a rinawm loh bawk. Man United boss Ruben Amorim chuan Garnacho leh England midfielder Kobbie Mainoo te chu team dinna atan a hman a tum thu a sawi tawh.

Garnacho hian kum 2021 khan Atletico Madrid aṭangin Manchester United hi a zaw ma, first team tan match 117 khel tawhin goal 23 a khung tawh. Argentine forward hi Saints 3-1 a an hneh ṭumin a khel tluan bawk.