Inhnehtawk vanga lawm tur kan ni lo - Juve coach

Juventus coach Thiago Motta chuan Serie A match an khelh hoah, an khingpuite nen an inhnehtawk nasa lutuk chu hriatthiam harsa a ti a, point thum loah chuan lawm viau a rem lo tih a sawi.

Old Lady hian zanin dar 10:30 hian league match khel turin AC Milan an mikhual dawn, tun season kal laia league match bikah tlawm la nei lo mah se, an khingpui nen vawi 13 ngawt an inhnetawk tawh, an point paih hi a tam hle.

Motta chuan, "Point hmuh loh ai chuan point khat lek hlawh chhuah pawh a hlu, chutihrualin champion kan duh a ni si chuan inhnehtawk fo mai hi chu a remchang lo, kan elpuiten min nghak si lo a ni," tiin a sawi.

Zanin dar 1:15 hian Serie A hmahruai mektu Napoli pawhin Atalanta an lenchilh dawn - team pahnih inthlauhna chu point li chauh a ni a, inkhel pawimawh tak a ni ang. Champion lai Inter Milan chuan Pathianni zanah Empoli an mikhual thung ang.