Betis-in Antony an hnaih

Manchester United-in pound maktaduai 81.3 senga August 2022-a an lakluh Antony chhuahtirna tur an zawng a, lalut turin Real Betis dinhmun a ṭha. Spanish club hian tun season tawp thleng loan hmanga an lakluh a beiseiawm hle.

Kum 24 mi Antony hian Man United tan goal 12 chiah a la khung a, tun season-ah goal khat chauh a la khung. Man United-in tun season inelna hrang hrangah match 32 an khel tawh a, Antony hi vawi 13 chiah a la inlan.

Kar liam ta Ningani khan Man United-in Saints an hmachhawn a, Antony hian goal ruakah a khung lo. Chutihrualin Brazilian winger hian theihna a neih san vangin dawrtu erawh a nei nual.