FA-in United thubuai siamsak

English football-a thuneitu sang ber Football Association chuan Liverpool laka Manchester United tlawm ṭuma Red Devils player-te chet dan a hrethiam lo a, thubuai a siamsak. 

Anfield-a inkhelah hian Liverpool hi 2-0 in an chak a, 1-0 a hma an hruai laiin Roberto Firmino chuan a khung belh. Inkhela referee Craig Pawson chuan a hnua VAR a rawn hnuah goal hi 'cancel' leh mah se a tirah a pawm. 

Pawson-a'n a tir lama goal a pawm avang hian United player-te an insum zo lo a, referee bulah tlanin an din hual. Goalkeeper David de Gea phei chu a insum zo lo fal a, yellow card pek a ni. FA chuan match official laka United player-te chet dan hi a hrethiam lo a, thubuai a siamsak ta a ni.

Team talbuai Man-chester United hian Ningani thlengin insawifiahna hun an nei dawn a, an thubuai hi an pawm emaw an insawifiahna pawmsak an nih loh chuan FA-in a hremna tur an ti chhuak ang.