RIO olympic 2016 TT champion Ding Ning

Table tennis hmeichhe final-ah China nula pa-hnih an inkhel a, Ding Ning chuan Li Xiaoxia lakah 11-9, 5-11, 14-12, 9-11, 8-11, 11-7, 11-7 (4-3) a hnehna changin Rio Olympic champion a ni.

Kum 26-a upa Ding leh kum 28-a upa Li te hi 2012 London Olympic final-ah khan an lo inhmachhawn tawh bawk a, he mi ṭum hian Li-i'n hnehna a chang - tun
ṭumah erawh Ding hun a thleng ve ta. World champion vawi hnih ni tawh Ding hi London-ah khan team champion zingah a lo tel tawh bawk a vangin Olympic chanchina gold pahnih a lakna chiah a ni.

Ding chuan, "Lon-don-a a chak lo zawka ka ṭan hnu khan champion nih tumin ka inzir chhun-zawm a, tunah chuan rim taka ka thawh rah a lang ta. Li Xiaoxia hi ka teammate a ni satliah lo a, ka ṭhian ṭha a ni bawk, kan ram tana medal kan la thei hi a lawmawm hle a ni," a ti

Kum 1988 aṭang khan Olympic Games-ah Table tennis inelna hi telh ṭan a ni a, kum 28 chhungin tun ṭum hi hmeichhe singles player ngai pahnihte a kum zawna final-a an inhmachhawnna hmasa ber ṭum a ni. Pathumna inchuhnaah North Korea nula Kim Song-I chuan Japan aiawhtu Ai Fukuhara chu 4-0 a hnehin bronze medal a dawng ve bawk.