Jahar-a'n contract a pawtsei

Aizawl FC Head of Youth Development Jahar Das chuan contract a pawtsei a, Bengali coach hi India rama AFC A Licence nei hmasa ber a ni.

I League-a result ṭhat loh vanga Spanish coach Manuel Retamero-a'n a hna a chan hnuin Jahar Das hi Aizawl FC senior team enkawl tura ruat a ni a, season tawpah MPL club hi India ram inelna sang berah pariatna a nih pui. Federation Cup-ah erawh result ṭha neiin champion lai Bengaluru FC an hneh bakah final an thleng bawk.

Jahar Das hian I Lea-gue-a Aizawl FC khelh zelna chance chu 70% a nih thu Vanglaini palai a lo hrilh tawh a, AIFF lamin thutlukna an la tihchhuah loh avangin Bengali coach thusawi dikna emaw dik lohna emaw hi hriat a la ni lo.