Spain-ah Martin Demichelis a kir

Manchester City defender hlui Martin Demichelis chu tun hma lama a lo tlangnel tawhna La Liga-ah a inlan leh dawn. Argentina international hian Espanyol-ah season khat chhung khel turin contract a ziak.

Kum 35-a upa defender hi season hmasa zawh rual khan Manchester City chuan an chhuah zalen a, club nei loa hun rei tak a awm hnuah tunah chuan khelhna tur a nei ve leh ta. Tun hma lamin La Liga club pahnih - Malaga leh Atletico Madrid tan pawh a lo khel tawh a ni.

River Plate aṭanga bul ṭantu Demichelis hian German champion Bayern Munich tan a khelh laiin Bundesliga nomawi a lo chawi tawh bakah Man City chu league-ah a champion pui tawh bawk, mahse heng club lian pahnihte hi Champions League-ah a hlawhtlinpui lo thung. Argentina tan match 50 khelin goal hnih a khung ve a - 2014 World Cup final-ah Germany an hneh lo bawk.