Black Cats-ah United duo

Sunderland chuan Manchester United
aṭangin Paddy McNair leh Donald Love te chu pound maktaduai £5.5 in an lalut. Defender pahnih hi kum 21-a upa ve ve an ni a, Stadium of Light-a khel tur hian kum li daih contract an ziak ve ve bawk.

Black Cats manager thar David Moyes chuan, "Paddy hi a la naupang a, hmasawn lam a pan char char bawk. Northern Ireland tan tawnhriat a nei tawh a, ram tana khel pha player a tam thei ang ber lakluh hi kan duh dan a ni," tiin United tana vawi 24 zet inlan tawh defender a fak. Scottish defender Donald Love erawh United tan match khat chiah a la inlan a, Moyes chuan, "Donald hi an fak nasa a, kan bulah hian hmasa a sawn theih ngei ka beisei," tiin a sawi.