Uchimura khing zo an awm lo

Japanese artistic gymnast Kohei Uchimura chuan 2012 London Olympic-a gold a lo dawn tawhna mipa gymnastics-ah pakhatna dinhmun a luah leh ta. Ukraine star Oleg Verniaiev chu pahnihna niin Great Britain tlangval Max Whitlock chuan bronze medal a la thung.

Kum 27-a upa Uchimura hi London-ah khan team champion zingah a lo tel tawh bawk. Olympic-a gymnastics inelna bikah ani chiah hi kum 44 chhunga gold medal la zawn thei awmchhun a la ni.

Uchimura hi gymnas-tics khawvelah chuan a hming a dai tawh ngai dawn lo, tun hnai kum riat chhungin Olympic gold pahnih a lak theih bakah World Championship-ah vawi ruk a champion hman.