West Brom nena inkhel tur Delhi Dynamos

Indian Super League club Delhi Dynamos chuan ISL khelh tur inbuatsaih nan West Brom chu September 3 khian The Hawthorns-ah an lenchilh dawn! Team pahnih inhmachhawn hun tur hi international break lai a nih avangin West Brom-in league match an khel dawn lo a, Delhi club hi an mikhual theih phah dawn a ni.

Baggies leh Dynamos inhmachhawn tur hi Premier League club leh ISL club-in friendly match an khelh hmasak ber tur a ni dawn a, zan dar 7:30-ah team pahnih hi an inkhel dawn a ni. Delhi hian season hmasa khan Adil Nabi chu Baggies aṭang hian loan-in an lo hawh tawh a, club pahnih hi an thawkdun
ṭha hle.

Delhi Dynamos presi-dent Prashant Agarwal chuan, "Delhi Dynamos tan chuan Indian club zinga Premier League club tum hmasa ber kan ni tur hi inchhuanna tham a ni. Indian football-in hma a sawn zel a, he hun hi chhawr ṭangkaia hmasawn ve zel hi kan tum chu a ni," tiin West Brom nena an inkhel tur chungchang a sawi.

Prashant Agarwal chuan West Brom nena an inkhel tur chu England-a Asian mite hipna tura ruahman an nih thu a sawi a, inkhel en man hi £5 (Rs. 439/-) a nih tur thu an puang nghal bawk.