Phelps a ropui chuang e

Michael Phelps chuan Olympic gold medal 22 zet a la tling ta! Ame-ri-can swimmer hian Rio Olympic-ah 200m but-terfly, 4x100m free-style relay leh 4x200m freestyle relay-ah te hnena a chan hnuin Ningani zan khan 200m individual medley-ah hnehna a chang leh.

Kum 31-a upa Phelps hian minute khat leh second 54.66 chhung hun a hmang a, pahnihna chu Japan aiawhtu Kosuke Hagino niin China tlangval Shun Wang-a'n bronze a la thung.

2012 London Olympic zawhah khan Phelps hian tuihleuh a chawlh san a, kum 2014 khan infiamna khawvelah lo kir lehin Rio Olymic-ah an ram tan gold pali a hlawh chhuak leh ta. Olympic chanchinah Phelps hi a chungnung fal hle a, gold medal lak tam zawnga amah hnaih bertu Soviet gymnast Larisa Latynina chuan pakua a la thei thung.

Phelps hian Olympic gold medal 22 bakah hian silver pahnih leh bronze pahnih a la tel tawh bawk a, 200m individual medley-a hnehna a chan chiah khan tuihleuhah bik inelna ngaia Olympic vawi lia champion thei hmasa ber leh awmchhun a ni.

Rio Olympics 2016 Medal Tally

# Ram G S B T

1 US 16 12 10 38

2 China 11 8 11 30

3 Japan 7 2 13 22

4 Australia 5 4 6 15

5 Korea 5 2 4 11

6 Hungary 5 1 1 7

7 Russia 4 8 7 19

8 Great Britain 4 6 6 16

9 Germany 4 3 1 8

10 Italy 3 6 3 12

11 France 2 4 5 11

12 Kazakhstan 2 2 3 7

13 Thailand 2 1 1 4

14 Spain 2 0 1 3

15 Switzerland 2 0 1 3

16 Croatia 2 0 0 2

17 New Zealand 1 4 0 5

18 Netherlands 1 2 2 5

19 Sweden 1 2 1 4

20 Canada 1 1 5 7

*Table hi nimin tlai thlenga an dinhmun a ni