Hammers striker thar Calleri

West Ham chuan Argentina striker Jonathan Calleri chu season khat chhung an hnena khel turin Uruguay club Depor-tivo Maldonado aṭangin loan-in an hawh.

Kum 22-a upa striker hi Olympic-ah Argentina aiawhin a inlan a, group stage aṭanga an tlak avangin beisei aia hmain Hammers squad a zawm.

West Ham manager Slaven Bilic chuan, "Striker ṭha bik a ni a, Olympic football aṭanga Aregtina tla hma hi a tan channa ni mah se kan tan chuan hlawkna a ni," tiin an beisei aia hmaa Calleri an nei thei chu a lawm thu a sawi.

Inter Milan pawhin lakluh tuma an lo hel tawh striker hian kumin chawhma lam kha chu Sao Paulo-ah loan in hun a hmang a, Brazilian club tan Copa Libertadores-ah match 12 inlanin goal kua a khung a, top scorer a ni.