James-a'n contract ziak dawn

LeBron James-a'n Cleveland Cavaliers tan kum thum daih contract a ziah tur thu a agent Rich Paul chuan a sawi chhuak.

2016 NBA Finals MVP James hian an khaw club a champion pui hnuah club thar a zawm loh tur thu a lo sawi lawk tawh a, tunah chuan a takin a thleng dik dawn ta, contract a ziah thar tur hi pound maktaduai 77.2 hu a ni dawn a - NBA player zinga hlawh hnem ber a ni ang.

NBA MVP vawi li ni tawh James hian Mia-mi Heat chu ṭum hnih a champion pui hnuah Cavaliers-ah a kir leh a, season hmasa khan a hlawhtling zui bawk.

Kum 31-a upa forward hian 2008 Beijing leh 2012 London Olympic-ah te khan United States tan gold medal a lo dawng tawh a, kuminah erawh chawlh hahdam a duh avangin Rio-ah a inlan ve lo thung a ni.