Russia coach thar Cherchesov

World Cup 2018 thleng tur Russia chuan coach thar atan Stanislav Cherchesov an lalut a, kum 52-a upa manager hi kum 2018-a World Cup semifinal tal thleng turin hriattir nghal a ni bawk.

A hunlaia Russia tana vawi 39 inlan tawh goalkeeper hian season hman zawh takah khan Polish club ṭha Legia War-saw a kaihruai a, league-a a champion pui bakah Polish Cup a chawipui bawk a, season duhawm tak a hmang.

Russia hian Euro 2016 khelh zawh takah khan group stage pawh an paltlang zawh loh avangin coach Leonid Slutsky chuan banna a thehlut a, a thlak tur hian Cherchesov hi lakluh a ni ta a ni.