Watford-ah Ighalo a rinawm

Premier League club Watford striker Odion Ighalo chuan Vicarage Road-ah season nga dang cham chhunzawm turin contract a ziak. Kum 27-a upa striker hian July 2014 khan Udinese aṭangin Hornets (Watford sawina) hi a zawm a, a season hmasa berah Premier League a kaipui nghal.

Season hman zawh takah khan inelna hrang hrangah match 42 in-lanin goal 17 a khung a, Premier League-ah 13-na dinhmun luahin FA Cup semifinal an thleng bawk. Coach thar Walter Mazzarri enkawlna hnuaia khel tur Watford hian zanin dar 7:30-ah Southampton chu tun season-a an league match hmasa ber turin an lenchilh ang.