Januzaj-a'n Sunderland a zawm

Manchester United mana-ger thar Jose Mourinho-a'n first team squad-ah Adnan Januzaj a telh lo a, Belgium forward hian season khat chhung loan-a khel turin Sunderland a zawm.

Black Cats manager thar David Moyes hi United first team tana Januzaj khelhna hun siam saktu a ni. Louis van Gaal-a'n season liam ta khan Borussia Dortmund-ah Januzaj hi intuai hriam turin a tir a, January thla khan United-ah rawn kir mah se Dutch manager hnuaiah substitute aṭangin vawi thum chiah a lut - a inkhelh hun chhung hi minute 17 chiah a ni. China-a pre season tour-ah zin ve mah se Januzaj hian Portuguese manager hi a hmin zo chuang lo a, Mourinho thlanchhuah player 23 zingah a tel pha lo.

Swedish striker Zlatan Ibrahi-movic-a'n Anthony Martial laka jersey number 9 a chhuhsak hnuah French forward-in Januzaj hi jersey number 11 a chhuhsak ve bawk. Jersey no. 15 ha tura tih Janu-zaj hi United reserve team zinga tel tura tih a nih avangin a lung-awi lo a, Mourinho hnuaia beisei a neih loh avangin Red Devils hi a ngheta chhuahsan a duh. Amaherawhchu United hotuten Paul Pogba chungchangah an tisual tawh avangin kum 2018 thleng contract nei Januzaj hi an hralh phal lo.

Sunderland boss David Moyes chuan, "Adnan kan neih takah chuan khelh dan thar kan nei belh tihna a ni. Kum hnih liam taa a theih-na ang kha neih lettir ka tum dawn a ni," tiin a sawi. Belgium for-ward hma hian Black Cats-in Uni-ted aṭangin Paddy McNair leh Donald Love te an lalut tawh bawk.